Foto: Eurosport
Futbol boʻyicha uch karra jahon chempioni, afsonaviy braziliyalik hujumchi Pele 82 yoshida vafot etdi. Bu haqda AP xabar bermoqda.
Noyabr oyi oxirida Pele umumiy shish va yurak yetishmovchiligi bilan San-Pauludagi shifoxonaga rejadan tashqari yotqizilgan edi. 2022-yil boshida Pele kimyoterapiya amaliyotini oʻtagan. Soʻnggi vaqtlarda unga kimyoterapiya ham yordam bermay qoʻygandi. Shu sababli unga palliativ yordam koʻrsatildi.
Pele jahon chempionatida uch marta (1958, 1962 va 1970-yillarda) gʻolib chiqqan yagona futbolchidir. Faoliyati davomida u 1363ta oʻyinda 1289ta gol urgan.
FIFA uni rasman XX asrning eng yaxshi futbolchisi deb tan oldi. Oʻz navbatida Xalqaro Olimpiya qoʻmitasi uni asrning eng buyuk sportchisi deb topdi.
Ko`proq xabarlar Telegram kanalimizda
Obuna bo`ling
