Foto: Open source
Shimoliy Koreyada odamlardan ismlarini yanada mafkuraviyroq ma'nolarga ega nomlarga almashtirish talab qilinmoqda. Bu haqda Radio Free Asia xabar berdi.
Qayd etilishicha, oldinlari shimoliy koreyaliklar oʻz farzandlariga Chung Sim (sodiqlik), Chong Il (qurol), Pok Il (bomba) yoki Ui Song (sunʼiy yoʻldosh) kabi mafkuraviy yoki hatto militaristik maʼnoga ega boʻlgan vatanparvarlik ismlarini berishga daʼvat etilgan.
Davlat ichkarisidagi manbalarga koʻra, soʻnggi yillarda mamlakat tashqi dunyo uchun ochiq boʻlganligi sababli, Shimoliy Koreyaliklar oʻz farzandlariga A Ri (sevimli odam), So Ra (chigʻanoq qobigʻi) va Su Mi (haddan tashqari goʻzallik) kabi aytishga oson boʻlgan yumshoqroq, koʻtarinkiroq ismlarni qoʻyishmoqda.
Qattiq jarangli undoshlar bilan tugaydigan ismlar oʻrniga bolalarga yumshoqroq unlilar bilan tugaydigan ismlar qoʻyilmoqda. Bu koʻproq Janubiy Koreyadagi bolalarga qoʻyilgan ismlarga oʻxshaydi.
Ammo soʻnggi paytlarda Shimoliy Koreya hukumati bu tendensiyani bostirib, agar ular yetarlicha “inqilobiy” boʻlmasa, yumshoqroq ismli fuqarolardan nomlarini koʻproq mafkuraviy ismlarga oʻzgartirishni talab qilmoqda.
“Oʻtgan oydan boshlab koʻcha posbonlari yigʻilishida doimiy ravishda oxirgi harfi undosh bilan tugamagan barcha ismlarni tuzatish boʻyicha bildirishnomalar chiqarila boshlandi. Oxirgi undoshi boʻlmagan ismli odamlar yil oxirigacha inqilobiy standartlarga javob berish uchun oʻz ismlariga siyosiy maʼno qoʻshishlari kerak”, — deydi nashr manbasi.
“Uchrashuvlar va ommaviy eʼlonlarda amaldorlar kattalar va bolalarga, agar ular juda yumshoq yoki oddiy deb hisoblansa, ismlarini oʻzgartirishni va oxirgi undoshsiz ismlar antisotsialistik ekanligini koʻrsatib berishgacha borishdi”, — deydi boshqa bir manba.
Sud hokimiyatining antisotsialistik nomlarni zudlik bilan oʻzgartirish toʻgʻrisidagi buyrugʻi oktyabr oyidan beri har bir aholi yigʻilishida taʼkidlangani aytilmoqda.
Taʼkidlanishicha, hukumat siyosiy maʼnoga ega boʻlmagan ismini oʻzgartirmagan odamlarga jarima solish bilan tahdid qilgan.
Ko`proq xabarlar Telegram kanalimizda
Obuna bo`ling