Foto: Tez News
Qashqadaryo viloyati Shahrisabz tumanida yongʻinni oʻchirishga ketayotgan FVB mashinasi yoʻl-transport hodisasiga uchradi. Bu haqda viloyat FVB rasmiy munosabat bildirdi.
Qayd etilishicha, soat 18:25 larda FVB qutqaruv xizmatiga Shahrisabz shahar “Katta navqat” koʻchasida daraxt yonayotganligi toʻgʻrisida xabar kelib tushgan.
Shundan soʻng ISUZU rusumli yongʻin-qutqaruv mashinasi voqea joyiga harakatlanib borayotgan vaqtida shaharning Ipak yoʻli va Taragʻay Bahodir koʻchalari chorrahasida qarama-qarshi yoʻnalishdan harakatlanib kelayotgan Cobalt rusumli avtomobil bilan toʻqnashgan.
Natijada Cobalt avtomobili haydovchisi tan jarohati olib shifoxonaga yotqizilgan. Holat boʻyicha surishtiruv ishlari olib borilmoqda.
Ko`proq xabarlar Telegram kanalimizda
Obuna bo`ling