Foto: Toshkent IIB YPX matbuot xizmati
Toshkent shahri Olmazor tumanida “Damas” va “Gazel” mashinalari ishtirokida yoʻl transport hodisasi sodir boʻldi. Bu haqda poytaxt IIB YPX matbuot xizmati xabar bermoqda.
Qayd etilishicha, hodisa 16-dekabr kuni soat 06:30 larda Olmazor tumani Toshkent xalqa avtomobil yoʻli “Zamona” toʻyxonasi qarshisida sodir boʻlgan.
Unga koʻra, 39 yoshli haydovchi boshqaruvida boʻlgan “Gazel” rusumli yoʻlovchi tashuvchi transport vositasi va 27 yoshli haydovchi boshqaruvida boʻlgan “Damas” rusumli transport vositalari oʻzaro toʻqnashib ketgan.
Sodir boʻlgan yoʻl transport hodisasi oqibatida “Damas” avtomobilining haydovchisi tan jarohati olgan.
Hozirda holat yuzasidan Toshkent shahar IIBB YHXB tomonidan surishtiruv ishlari olib borilmoqda.
Ko`proq xabarlar Telegram kanalimizda
Obuna bo`ling
