Foto: Namangan YHXB matbuot xizmati
12-oktyabr kuni Namangan shahrida 4 ta avtomashina ishtirokida yo‘l-transport hodisasi sodir bo‘ldi. Holat yuzasidan viloyat IIB YHXB axborot xizmati rasmiy munosabat bildirdi.
Qayd etilishicha, hodisa soat 14:05 larda Namangan shahri hududidan o‘tuvchi 4R-117 To‘raqo‘rg‘on–Namangan–Chortoq–Keskanyor avtomobil yo‘lining 31-kilometrida yuz bergan.
Maʼlum qilinishicha, Lacetti avtomashinasi qayrilib olish maqsadida to‘xtab turgan vaqtida bir yo‘nalishda harakatlanib kelayotgan Labo, Damas va Tracker avtomashinalari orqasidan kelib urilib, YTH sodir etgan.
Maʼlumotlarga koʻra, mazkur voqea oqibatida avtomashinalar texnik shikastlangan, ammo tan jarohati olganlar yo‘q.
Ko`proq xabarlar Telegram kanalimizda
Obuna bo`ling