Toshkent shahridagi yer usti metro bekatlarining biri deyarli ikki haftaga yopildi. Bu haqda Toshkent metropoliteni DUK matbuot xizmati xabar bermoqda.
Qayd etilishicha, “Yer usti halqa yoʻli” yoʻnalishi 6 va 7-bekatlari oraligʻi yer ustki qismida qolip konstruksiyalarini demontaj va montaj ishlari amalga oshirilishi munosabati bilan 7-bekati 21-noyabrdan 6-dekabrga qadar faoliyat koʻrsatmaydi.
Maʼlum qilinishicha, “Yer usti halqa yoʻli” yoʻnalishida poyezdlar harakati “Doʻstlik-2” bekati bilan 6-bekat oraligʻida tashkil etiladi. Shuningdek, yoʻlovchilar uchun 6 va 7-bekat oraligʻida avtobus harakati yoʻlga qoʻyiladi.
Ko`proq xabarlar Telegram kanalimizda
Obuna bo`ling