Foto: Toshkent shahar IIBB YHXB matbuot xizmati
Toshkent shahri Mirzo Ulugʻbek tumanida Mercedes-Benz va MAN rusumli yoʻlovchi avtobusi oʻrtasida oʻzaro toʻqnashuv sodir boʻldi. Bu haqda poytaxt IIBB YHXB matbuot xizmati xabar bermoqda.
Qayd etilishicha, voqea 14-dekabr kuni soat 11:00 larda Mirzo Ulugʻbek tumani Mirzo Ulugʻbek koʻchasida sodir boʻlgan. Unga koʻra, 22-yoshli haydovchi boshqaruvida boʻlgan Mercedes-Benz yoʻlovchi tashuvchi transport vositasi va 50 yoshli haydovchi boshqaruvida boʻlgan “MAN A22” rusumli yoʻlovchi tashuvchi transport vositasi oʻzaro toʻqnashib ketgan.
Mazkur hodisa oqibatida 2 nafar yoʻlovchi tan jarohat olgan.
Hozirda holat yuzasidan Toshkent shahar IIBB YHXB tomonidan surishtiruv ishlari amalga oshirilmoqda.
Ko`proq xabarlar Telegram kanalimizda
Obuna bo`ling
