Foto: Toshkent shahar YHXB
Toshkent shahrining Yashnobod tumanida o‘lim bilan yakunlangan yo‘l-transport hodisasi sodir bo‘ldi. Bu haqda poytaxt YHXB matbuot xizmati xabar bermoqda.
Qayd etilishicha, ushbu hodisa 9-oktabr kuni soat 20:30 da Maxtimquli ko‘chasidagi 79-uy yonida sodir bo‘lgan.
Aniqlanishicha, BMW haydovchisi qarama-qarshi chiziqqa chiqib, Nexia-3 ga kelib urilgan.
Hodisa oqibatida Nexia-3 haydovchisi va yo‘lovchisi voqea joyida vafot etgan. Bundan tashqari, Lacetti avtomobillari va yana bir Nexia-3 rusumli avtomashinalar shikastlangan.
Hozirda mazkur holat yuzasidan huquq-tartibot idoralari tomonidan Jinoyat kodeksining 266-moddasi 3-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
