Foto: The Sun
Repost.uz nashri O'zbekiston va dunyo bo'yicha eng qiziq sport xabarlarini qisqa va tushunarli ko'rinishda bir joyga jamladi.
Jorjina Rodriges Rojdestvo munosabati bilan Krishtianu Ronalduga Rolls-Royce sovgʻa qildi
Besh karra “Oltin toʻp” sohibi Krishtianu Ronalduning suyuklisi Jorjina Rodriges futbolchiga katoliklarning Rojdestvo bayrami munosabati bilan qimmatbaho sovgʻa taqdim etdi.
Portugaliyalik futbolchi oʻz sevgilisidan sovgʻa sifatida hatto qizil lenta bilan bogʻlangan Rolls-Royce avtomobilini oldi.
“Rahmat, sevgilim”, – deb yozdi Ronaldu ijtimoiy tarmoqlarda sovgʻa suratini joylashtirib.
Rolls Royce Dawn – kabriolet boʻlib, uning narxi 428 ming dollarni tashkil qiladi.
APL “Boxing day” bilan qaytmoqda
Foto: Twitter
Bugun, 26-dekabr kuni Angliya chempionatida mavsumning 2-qismi start oladi.
17-tur bahslari 26-28-dekabr oraligʻida boʻlib oʻtadi va uning taqvimi quyidagicha:
26-dekabr, dushanba
22:30, “Aston Villa” – “Liverpul”
27-dekabrga oʻtar kechasi
01:00, “Arsenal” – “Vest Xem”
27-dekabr, seshanba
22:30, “Chelsi” – “Bornmut”
28-dekabrga oʻtar kechasi
01:00, “Manchester Yunayted” – “Nottingem Forest”
29-dekabrga oʻtar kechasi
01:00, “Lids Yunayted” – “Manchester Siti”
Rapid jahon chempionati. Abdusattorov va Sindarovdan yuz foizlik natija
Foto: Telegram
Qozogʻistonning Almati shahrida shaxmatning rapid va blis yoʻnalishlari boʻyicha jahon chempionatining birinchi kun bahslari davom etmoqda.
Umumiy mukofot jamgʻarmasi 1 mln dollarni tashkil qiluvchi dunyo birinchiligida jami 281 nafar shaxmatchi jahon chempionligi uchun dona suradi. Ular orasida oʻzbekistonlik shaxmatchilar, xususan rapid boʻyicha amaldagi jahon chempioni Nodirbek Abdusattorov ham bor.
Ikkinchi turda Nodirbek Abdusattorov va Javohir Sindarov gʻalabali yurishlarini davom ettirishdi. Nodirbek Yakubboyev va Nafisa Moʻminova esa ilk magʻlubiyatlarini qabul qilib olishdi.
Shaxmatchilarimizning 2-tur natijalari:
Abximanyu Puranik (Hindiston, 2549) - Nodirbek Abdusattorov (2676) 0-1
Jahongir Vohidov (2530) - Benjamin Xaldorsen (Norvegiya, 2349) 0,5-0,5
Yegor Korelskiy (FIDE, 2256) - Javohir Sindarov (2596) 0-1
Vladimir Fedoseyev (FIDE, 2741) - Nodirbek Yaqubboyev (2573) 1-0
Humoyun Begmuratov (2292) - Denis Maxneyev (Qozogʻiston, 2513) 1-0
Nafisa Moʻminova (2242) - Valentina Gunina (FIDE, 2389) 0-1
UFC yil jangini ham eʼlon qildi
Foto: Open source
Dunyoning eng kuchli ligasi hisoblangan UFC 2022-yilning “Eng yaxshi jangi”ni aniqladi.
Yarimogʻir vazn toifasida chexiyalik Irji Proxazka hamda braziliyalik Glover Teysheyra oʻrtasida oʻtkazilgan dramatik jang kutilganidek “Yilning eng yaxshi jangi” deb topildi.
Singapurda oʻtgan UFC 275 turnirida Proxazka jang yakunlanishiga 30 soniya qolgan bir paytda Teysheyrani boʻgʻish usuli bilan magʻlubiyatga uchratgandi. Ular oʻrtasidagi revansh jangi shu oy UFC 282 turniri doirasida oʻtkazilishi kerak edi. Lekin Irjining qoʻlidan olgan jarohati sabab jang bekor boʻlgan, chempionlik kamari esa vakant deya eʼlon qilingandi.
Shomurodovga A Seriyaning yana ikki klubi qiziqmoqda. “Roma” Eldorning transferidan 10 mln yevro ishlamoqchi
foto: Getty Images
Unga koʻra, “Roma” hujumchisi Eldor Shomurodov “Sampdoriya” hamda “Fiorentina” klublarining qiziqish doirasiga tushgan. Rimliklar 27 yoshli forvardning transferi uchun 10 mln yevro talab qilmoqda, ammo unga daʼvogar klublar bu summani toʻlashga tayyor emas.
Avvalroq, Oʻzbekiston MTJ sardoriga “Torino” hamda “Kremoneze” qiziqayotgani aytilgandi.
Ko`proq xabarlar Telegram kanalimizda
Obuna bo`ling
