Toshkentda O'zbekiston-Buyuk Britaniya savdo va sanoat kengashining (UBTIC) 26-sessiyasi bo'lib o'tdi.
Unda toʻgʻridan-toʻgʻri investitsiyalar jamgʻarmasi (UzDIF) rahbari Atabek Nazirov so'zga chiqdi. Ushbu chiqish ishtirokchilarning eʼtiborini oʻziga tortdi. Sababi bu yilgi forumning asosiy mavzusi mahalliy korxonalarni xususiylashtirish boʻyicha dastur boʻldi.
Muhokama chogʻida Oʻzbekiston sanoqli barqaror mamlakatlardan biri – global geosiyosiy turbulentlik davrida investorlar uchun asosiy omil ekanligini taʼkidlandi. UzDIF taqdimoti britaniyalik mehmonlarda katta qiziqish uygʻotdi.
“Nimaga UzDIF xorijiy hamkorlar uchun tabiiy tanlov? Hammasi oddiy: biz oʻz mamlakatimizni bilamiz va bundan tashqari — biz siz bilan tavakkalchilikni boʻlishishga tayyormiz, bu esa qarz kapitalining narxi oʻz-oʻzidan oʻsib borayotgan davrda oʻta muhimdir. Biz byurokratik idora emasmiz va ilgʻor xalqaro tajriba va yuqori standartlarni inobatga olgan holda tez qaror qabul qila olamiz”, — dedi Atabek Nazirov.
Ikki tomonlama savdo va investitsiyalarni rivojlantirish imkoniyatlarini muhokama qilish uchun har yili oʻtkaziladigan forum Oʻzbekiston va Buyuk Britaniya hukumatlari tomonidan 1994-yilda tashkil etilgan. Biroq UBTIC soʻnggi yillarda ikki mamlakat oʻrtasidagi tovar ayirboshlash hajmining oʻsishi tufayli alohida ahamiyat va vaznga ega boʻldi. 2022-yilda ikki baravar koʻpayib, taxminan 500 mln dollarni tashkil etdi.
“Mamlakatlarimiz oʻrtasidagi munosabatlardagi burilish davri prezident Shavkat Mirziyoyev islohotlar jarayoni tashabbuskori boʻlgan 2016-yil boʻldi. Oʻshandan beri Oʻzbekiston ham qoʻshnilar, ham boshqa davlatlar bilan faol va samarali aloqalarni rivojlantirmoqda. Biz bu siyosiy muhit saqlanib qolishiga umid qilamiz va bu borada Oʻzbekistonni qoʻllab-quvvatlashga intilamiz”, deydi Britaniyaning Oʻzbekistondagi muxtor elchisi Timoti Torlott UBTIC yalpi majlisida.
Shuningdek, Atabek Nazirov oʻtgan asrning 80-yillaridagi Britaniya tajribasini eslatib oʻtdi: “Bir vaqtlar Margaret Tetcher Britaniya fuqarolariga savdo almashish va kompaniyalarning IPOda ishtirok etish taklifi bilan bir zumda xususiylashtirilgan davlat mulkiga sherik boʻlish imkoniyatini bergan edi. Shaxsan men bu misoldan juda ilhomlandim, chunki biz fuqarolarimizga mahalliy va xorijiy fond bozorlarida IPO doirasida eng yirik milliy kompaniyalar aksiyalariga sarmoya kiritish imkoniyatini ham taqdim eta olamiz. UZDIF ham mahalliy, ham xorijiy investorlar bilan birgalikda bu jarayonda ishtirok etishga tayyor. Ishonchim komilki, bu bizning moliyaviy ekotizimimizni sezilarli darajada mustahkamlaydi”.
Eslatib oʻtamiz, Oʻzbekiston Buyuk Britaniyaga tovarlarning katta qismini nol import tariflari boʻyicha eksport qilish imkonini beruvchi umumiy imtiyozlar tizimining kengaytirilgan sxemasiga qoʻshilgan birinchi davlat boʻldi.
Ko`proq xabarlar Telegram kanalimizda
Obuna bo`ling