Foto: Prezident matbuot xizmati
13-dekabr kuni prezident Shavkat Mirziyoyev Toshkent shahrining Uchtepa tumanida joylashgan Shirin mahallasiga rejadan tashqari tashrif buyurdi. Bu haqda prezident matbuot xizmati xabar bermoqda.
Foto: Prezident matbuot xizmati
Qayd etilishicha, Shavkat Mirziyoyev kommunal xizmatlar sifati, shu jumladan xonadonlarda issiqlik taʼminoti bilan shaxsan tanishish uchun Uchtepa tumanidagi mahallalardan biriga kirib, u yerdagi ahvolni koʻzdan kechirgan.
Maʼlum qilinishicha, mazkur tashrif doirasida prezidentga Bosh vazir Abdulla Aripov, shahar hokimi Jahongir Ortiqxoʻjayev va boshqa rasmiylar hamrohlik qilgan.
Foto: Prezident matbuot xizmati
Prezident koʻp qavatli uylarning kirish qismiga yaqinlashib, kirish eshigini koʻzdan kechirgan. Shuningdek, Sherzod Hidayatovni chaqirib, uning kompaniyasi qayerd ekanini soʻragan.
“Hidayatov qani kompaniyangiz? Hammayoq shu ahvol. Hammangizga faqat pul, tovon talab qilish boʻlsa”, — deydi Prezident.
Foto: Prezident matbuot xizmati
Tuman hokimi Farhod Abdullayevga murojaat qilar ekan: “Farhod, uyalmadingmi?” — deydi Shavkat Mirziyoyev.
Prezident soʻzida davom etar ekan, muz bilan qoplangan yerga ishora qilib odamlar mana shu joylardan norozi boʻlayotganini taʼkidlagan.
Foto: Prezident matbuot xizmati
“Odamlar nimadan norozi? Mana shu yerdan norozi. Biz faqat katta koʻchalarni tuzatyapmiz, lekin bu yerni tuzatmayapmiz. Mana hozir bu bechoralar chiqadi, yiqiladi, kimni laʼnatlaydi? Prezidentni laʼnatlaydi”, — deydi prezident.
Shuningdek, Shavkat Mirziyoyev Toshkent shahar hokimiga yuzlanar ekan: “Ortiqxoʻjayev, mayli, qoʻshimcha mablagʻ qancha?.. Qor yogʻgandan keyin koʻrdingizmi, agar biz buni uch kun oldin qilganimizda, bunday boʻlmasdi. Kimdir yiqilib tushishi aniq. Hozir sizlar paxta ekmaysizlar, gʻalla yigʻmaysiz, daladan tuz yuvmaysiz, qishloqlarda tuman hokimlari dalani shoʻrdan yuvib yuribdi. Mana shuni qilsa boʻladiku”, — deya taʼkidladi.
Foto: Prezident matbuot xizmati
Maʼlum qilinishicha, prezident mahallaga uyushtirilgan tashrifi doirasida aholi xonadonlariga kirib, ular bilan muloqot qildi va ularnining uyidagi issiqlik bilan ham tanishdi.
“Eng muhimi, yaxshi kayfiyatda boʻlish. Bir oz sovuq oʻtadi. Uylaringiz isishi uchun barcha ishni qilamiz”, — deydi prezident xonadon egasi bilan suhbatlashar ekan.
Shavkat Mirziyoyev mahallalarni koʻzdan kechirar ekan, hokimlar yuzlanib, ular ishlamayotgani uchun hamma davlatni yomon koʻrishini taʼkidlagan.
“Mana sizlar ishlamagningiz uchun davlat yomonga chiqyapti. Agar sizlar yaxshi ishlasangiz hamma narsa yaxshi boʻladi”, — deydi prezident.
Ko`proq xabarlar Telegram kanalimizda
Obuna bo`ling
