Foto: iz.ru
AQShning sobiq prezidenti Donald Tramp CNN telekanalini tuhmat qilgganlikda ayblab, sudga berdi va jarima uchun 475 million dollar talab qilmoqda.
Ma'lum qilinishicha, 3-oktyabr kuni AQSH okrug sudiga berilgan 29 sahifalik da'vo arizasida uning obro'siga "yolg'on va tuhmatga asoslangan ta'riflar" bilan putur yetkazilgani va CNN shu orqali uning siyosiy karerasiga xalaqit berishni maqsad qilgani aytilgan.
Donald Tramp CNN telekanalining o'ziga nisbatan "irqchi", "rus malayi" va "qo'zg'olonchi" so'zlarini qo'llashi, shuningdek, Trampning "2020-yilgi prezidentlik saylovi jarayonining yaxlitligi haqidagi xavotirlar" fikriga "Katta yolg'on" atamasini ishlatgani telekanal ustidan da'vo qilishga sabab bo'lgan.
Trampning advokatlari "Katta yolg'on" Adolf Gitler qo'llagan taktikaga to'g'ridan-to'g'ri ishora ekanligini va Gitlerning "Mein Kampf" kitobida keltirilganligini ta'kidlagan.
Da'vo arizasida aytilishicha, CNN telekanalining Trampga qarshi tuhmat va tuhmat ko'rinishidagi rag'batlantirish kampaniyasi so'nggi oylarda avj olgan, chunki CNN 2024-yilda Tramp prezidentlikka o'z nomzodini qo'yishidan qo'rqadi.
"Da'vogar haqidagi har qanday salbiy ma'lumotni ta'kidlash va u haqidagi barcha ijobiy ma'lumotlarni e'tiborsiz qoldirishdan tashqari, CNN "ishonchli" axborot manbayi sifatida o'zining ommaviy ta'siridan foydalanib, da'vogarni qoralashga harakat qildi", — deyiladi da'vo arizasida.
Qayd etilishicha, telekanal sudga izoh berishdan bosh tortgan.
Ma'lumotlarga ko'ra, bu Trampning OAVni birinchi marta sudga berishi emas. U 2020-yilda The Washington Post, CNN va The New York Times gazetalarini fikr-mulohazalari uchun sudga bergan edi. CNN va Times gazetalariga qarshi da'vo rad etilgan, ammo The Washington Postga qarshi da'vo hali ham ko'rib chiqilmoqda.
Ko`proq xabarlar Telegram kanalimizda
Obuna bo`ling
