Foto: Tez News
Fargʻona viloyati Qoʻqon shahrida mashina oʻgʻirlagan yigit va qiz qoʻlga olindi. Bu haqda viloyat IIB matbuot xizmati xabar bermoqda.
Qayd etilishicha, 14-dekabr kuni soat taxminan 01:47 larda 28 yoshli erkak va 18 yoshli qiz oldindan til biriktirib Alisher Navoiy koʻchasida joylashgan avtobus bekati yoniga kelgan. Bu yerda 28 yoshli erkak 33 yoshli fuqaro bilan oʻzaro gap talashib, janjal davomida uning boshqaruvida boʻlgan “Nexia-3” mashinasini olib qochib ketgan.
Shundan soʻng, u ushbu mashinani Alisher Navoiy koʻchasiga tashlab, avtomashinadan 33 yoshli fuqaroga tegishli boʻlgan fuqarolik pasporti, haydovchilik guvohnomasi, sugʻurta polisi hamda avtotransport vositasi roʻyxatdan oʻtkazilganligi toʻgʻrisidagi guvohnomani qoʻlga kiritib, hodisa joyidan yashiringanligi aniqlangan.
Mazkur holat yuzasidan Qoʻqon shahar IIB huzuridagi tergov boʻlinmasi tomonidan Jinoyat kodeksining 267-moddasi 2-qismi 227-moddasi 2-qismlari bilan (transport vositasini olib qochish) bilan jinoyat ishi qoʻzgʻatilib, 28 yoshli erkak va 18 yoshli qiz protsessual tartibda ushlangan.
Ko`proq xabarlar Telegram kanalimizda
Obuna bo`ling
