Foto: Fight.ru
Repost.uz nashri O'zbekiston va dunyo bo'yicha eng qiziq sport xabarlarini qisqa va tushunarli ko'rinishda bir joyga jamladi.
Eldor Shomurodov uzoq tanaffusdan so'ng Roma safida gol urdi
“Roma” klubi “Yokogama Marinos” klubiga qarshi oʻrtoqlik uchrashuvini oʻtkazib 3:3 hisobida durang oʻynadi.
Eldor Shomurodov ushbu oʻyinda maydonga tushdi. U raqib darvozasiga uchinchi golni urib, jamoasining durangini taʼminladi.
Eldor oʻyinning asosiy vaqtiga qoʻshib berilgan daqiqalar — 90+2 daqiqada raqib darvozasini ishgʻol qildi.
Mahmud Muradov MPL 7 qachon va qayerda boʻlib oʻtishini maʼlum qildi
MPLʻning yettinchi musobaqasi qayerda va qachon boʻlib oʻtishi maʼlum.
Oʻrta vaznda oʻzbekistonlik UFC jangchisi, Muradov Professional Leagueʻning asoschisi va rahbari Mahmud Muradov liganing yettinchi musobaqasi manzili va sanasini ochiqladi.
Unga koʻra, MPL 7 musobaqasi 2023-yil yanvar oyida Toshkent shahrida oʻtkaziladi.
Muradov shuningdek mazkur musobaqa UFC Fight Pass tomonidan translyatsiya qilinishini ham taʼkidlab oʻtgan.
Belgiyadagi marokashlik muxlislar gʻalabadan soʻng ommaviy tartibsizliklar sodir etdi
Foto: DW
Qatar maydonlarida boʻlib utayotgan Jahon chempionati kutilmagan natijalarga boy oʻtmoqda.
Kuni kecha “F” guruhida 2-tur bahslari boʻlib oʻtdi va Belgiya Marokash uchrashuvida kichik sensatsiya qayd etildi, Marokash terma jamoasi Belgiyani 2:0 hisobida magʻlub etdi.
Uchrashuvdan soʻng Belgiya poytaxti Bryussel markazida ommaviy tartibsizliklar sodir boʻlgan.
Marokash termasining 150 ga yaqin futbol muxlisi jamoasining gʻalabasidan soʻng shahar markaziga yoʻl oladi va tartibsizliklar sodir etadi. Ular shahar markazida axlat qutilarini yoqishgan, avtomobillarga zarar yetkazishgan va doʻkonlarni oʻmarishgan.
Futbol muxlislarining bunday tajovuzkor harakatlari politsiya eʼtiborini tortgan, shundan soʻng politsiyachilar shahar markazidagi janubiy vokzal koʻchalarini oʻrab olishadi, lekin tartibsizlikni keltirib chiqargan muxlislar politsiyachilarga ham qarshilik koʻrsatishadi. Bu harakatlarga javoban politsiya vodomyot va koʻzni yoshlantiruvchi gazni ishlatishga majbur boʻladi.
Saul Kanelo Alvares Messiga: " Sen bilan uchrashib qolmasligimni Xudodan so'ra"
Argentina Meksika ustidan gʻalabani nishonlagan video tarqaldi. Unda Leo Messi polda yotgan Meksika futbolkasini oyogʻi bilan sal tepib yuborgan. Bu video meksikalik boks yulduzi Saul Kanelo Alvaresning gʻazabini qoʻzgʻatgan. U shunday yozdi:
“Messi bizning bayroq tushirilgan formamizda pol artganini koʻrib qoldim. Men uni topolmasligimni Xudodan oʻtinib soʻrasin”.
Boks olamida poʻpisa bilan ruhiy bosim qilish odatiy hol. Oʻylaymanki Saul uni qidirib ham koʻrmaydi.
Ko`proq xabarlar Telegram kanalimizda
Obuna bo`ling
