Videodan lavha
22-dekabr kuni Toshkent shahar Chilonzor tumanida bir nechta avtomashinaning oynasi sindirib ketilgangani aks etgan suratlar ijtimoiy tarmoqlarga tarqaldi. Ushbu holat yuzasidan Toshkent shahar IIBB maʼlumot berdi.
Qayd etilishicha, 21 yoshli fuqaro Chilonzor tumani IIO FMBga ariza bilan murojaat qilib, unga tegishli boʻlgan Gentra avtomashinasining old yon oynasi sindirilgani va avtomashina ichida boʻlgan 500 ming soʻmlik soat oʻgʻirlanganini maʼlum qilgan.
Shuningdek, shu kuni 27 yoshli haydovchiga tegishli boʻlgan Cobalt avtomashinasining old yon oynasi sindirilganligi, lekin avtomashinasidan hech narsa yoʻqolmaganligi, 45 yoshli shaxsga tegishli boʻlgan Spark avtomashinasining ham old yon oynasi sindirilganligi va avtomobildan hech narsa yoʻqolmaganligi aniqlangan.
Mazkur holatlar yuzasidan Chilonzor tumani IIO FMB Tergov boʻlimi tomonidan JKning 169-moddasi (oʻgʻrilik) bilan jinoyat ishi qoʻzgʻatilgan. Hozirda tergov harakatlari davom etmoqda.
Ko`proq xabarlar Telegram kanalimizda
Obuna bo`ling
