Foto: Videodan lavha
Jizzax viloyatida boshqaruvni yoʻqotgan Nexia hamda yuk mashinasi toʻqnashib ketdi. Bu haqda viloyat IIB YHXB xabar bermoqda.
Qayd etilishicha, voqea 8-dekabr kuni soat 19:00 larda 4R-35 Jizzax-Gagarin avtomobil yoʻlining Sharof Rashidov tumani hududidan oʻtgan 25-kilometrida sodir boʻlgan.
Unga koʻra, mazkur yoʻl boʻylab harakatlanib ketayotgan Nexia haydovchisi qalin qor va yoʻldagi muzlama sababli boshqaruvni yoʻqotgan. Natijada mashina sirpanib ketib, qarama-qarshi yoʻnalishga chiqib ketgan. Shundan soʻng, u roʻparadan kelayotgan Kia Bongo yuk mashinasi bilan toʻqnashib ketgan.
Toʻqnashuv oqibatida Nexia mashinasining yoʻlovchisi ogʻir tan jarohatlari bilan hodisa joyida vafot etgan.
Maʼlum qilinishicha, 8-dekabr kuni YTH yuz bergan hududda qalin qor yogʻganiga qaramasdan hududiy yoʻl boʻlimi Jizzax-Gagarin avtomobil yoʻliga qum-tuz aralashmasini sepilmagan. Oqibatda odam oʻlimi bilan bogʻliq YTH sodir boʻlgan.
Ko`proq xabarlar Telegram kanalimizda
Obuna bo`ling
