Foto: Prokuratura departamenti
Samarqand viloyati, Qoʻshrabot tumanida tabiiy resurslardan noqonuniy foydalangan MCHJ aniqlandi. Bu haqda Prokuratura departamenti xabar berdi.
Departament tekshiruviga ko'ra, “M.I.” MCHJ rahbari oʻzboshimchalik bilan oʻzi sotib olgan transformatorni oʻrnatib, noqonuniy ravishda 63 dona “Mayner” uskunalari va ikki dona suv nasoslaridan foydalanib kelganligi natijasida davlat va jamiyat manfaatlariga 1,1 mlrd soʻm zarar yetkazilganligi aniqlangan.
Mazkur holat yuzasidan JKning 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qoʻzgʻatilib, tergov harakatlari oʻtkazilmoqda.
Ko`proq xabarlar Telegram kanalimizda
Obuna bo`ling
