Qo'lga olinish jarayonidan
Gruziyada “Bank of Georgia" bankining Kutaisi shahridagi filialiga qurollangan shaxs bostirib kirib, 15 kishini garovga olgandi. Hozirda jinoyatchi qo'lga olingani aytilmoqda.
Jinoyatchi politsiyaga o’z talablarini aytgan.
"Qurollangan shaxs bank oldiga vertolyot, 2 mln dollar, Rossiya bayrog'i va qarmoq olib kelishni talab qilmoqda", — deyiladi xabarda.
Kutaisi shahrida bank o‘g‘risi garovga olganlarni ozod qilish bo‘yicha operatsiya yakunlandi. Bu haqda mamlakat Ichki ishlar vazirligiga tayanib, EA Daily xabar bermoqda.
Maxsus kuchlar barcha garovga olinganlarni ozod qilishga muvaffaq bo'lishdi, ular orasida qurbonlar yo'q. Hozirda politsiya bank yaqinidagi ko‘cha bo‘ylab harakatlanishni tiklamoqda.
Guvohlarning xabar berishicha, huquq-tartibot idoralari xodimlari jinoyatchini qo‘lga olgan. O'q ovozlari eshitilgan, ammo uning yaralanganmi yoki yo'qligi aniqlanmagan.
Ko`proq xabarlar Telegram kanalimizda
Obuna bo`ling
