Foto: Review.uz
“Hi-Tech Bank” xususiy tijorat banki Markaziy bankning litsenziyasini bekor qilish to‘g‘risidagi qarori munosabati bilan sudga murojaat qildi. Bu haqda regulyator matbuot xizmati xabar berdi.
Eslatib oʻtamiz, 7-oktabr kuni “Hi-Tech Bank”ning bank litsenziyasi bekor qilingan edi. Shu kuniyoq bank faoliyatini tugatish jarayoni boshlangan.
Keyinchalik Markaziy bank Hi-Tech Bank va Turkistonbank litsenziyalari bekor qilingani sabablarini keltirdi:
- bank aktivlarida yuzaga kelishi mumkin bo'lgan yo'qotishlar uchun yetarli zaxiralarning yo'qligi;
- ustav kapitalining 50 foizidan ortig'i miqdoridagi yo'qotishlar;
- bank xizmatlari iste'molchilarining huquqlari va qonuniy manfaatlari buzilganligi;
- buxgalteriya hisobi hisobot ma'lumotlarining buzilishiga olib keladigan va bankning real moliyaviy holatini aks ettirishga imkon bermaydigan qoidabuzarliklar bilan olib borilganda;
- Markaziy bankning bank faoliyatidagi qo‘pol huquqbuzarliklarni bartaraf etish to‘g‘risidagi ko‘rsatmalarini belgilangan muddatda bajarmaslik.
“Hi-Tech Bank” xususiy aksiyadorlik tijorat bankining Markaziy bank qarori yuzasidan sudga bergan murojaati protsessual qonunchilik asosida ko‘rib chiqilishi mumkin, deya qo‘shimcha qildi tartibga soluvchi organ.
Ko`proq xabarlar Telegram kanalimizda
Obuna bo`ling
