Foto: Tez News
Fargʻona viloyati tumanida ayol oʻzining uch nafar tanishini pichoqladi. Bu haqda Fargʻona viloyati IIB matbuot xizmati xabar bermoqda.
Qayd etilishicha, 26-noyabr kuni Fargʻona shahrida yashovchi ayol Oltiariq tumani Bozorboshi MFY “Yashilxiyobon” nomli istirohat bogʻida uch nafar tanishi bilan oʻzaro tortishib qolgan. Yuzaga kelgan janjal oqibatida ayol uchchala qizga ham oshxona pichogʻi bilan jarohat yetkazgan.
Hozirda mazkur holat yuzasidan ayolga nisbatan Oltiariq tumani IIB huzuridagi tergov boʻlimi tomonidan Jinoyat kodeksining 105-moddasi (Qasddan badanga oʻrtacha ogʻir shikast yetkazish) 2-qismi “m” bandi bilan jinoyat ishi qoʻzgʻatilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
