Videodan kadr
Qashqadaryo viloyati Yakkabogʻ tumanida Damas avtomashinasi yonayotgani aks etgan video ijtimoiy tarmoqlarga sizdirildi. Ushbu holat boʻyicha Qashqadaryo viloyati FVB matbuot xizmati munosabat bildirdi.
Yakkabogʻ tumani “Gʻozliq” MFY hududidan oʻtgan “Yakkabogʻ-Chiroqchi” yoʻlidan harakatlanib kelayotgan, 30 yoshli haydovchi boshqaruvida boʻlgan Damas avtomashinasida soat 17:14 atrofida yongʻin sodir boʻlgan.
Xabarga koʻra voqea joyiga bitta yongʻin qutqaruv boʻlinmasi jalb qilinib, soat taxminan 17:20 atrofida manzilga yetib borgan, yongʻin soat taxminan 17:22 atrofida oʻrab olinib, soat taxminan 17:28 atrofida toʻliq bartaraf etilgan.
Yongʻindan hech kim tan jarohati olmagan, hozirda yongʻin sababi va zarari aniqlanmoqda.
Ko`proq xabarlar Telegram kanalimizda
Obuna bo`ling
