Foto: Repost.uz
7-noyabr kuni O'zbekistonning shimoliy hududlariga Volga boʻyi hududlaridan sovuq havo massasi kirib kelishi boshlanadi, ayrim joylarda yomgʻir yogʻadi, qorga aylanishi ham mumkin. Bu haqda Oʻzgidromet xabar bermoqda.
Ma'lum qilinishicha, 8-noyabr kuni sovuq havo massasi respublikaning barcha hududlariga asta-sekin kirib keladi, hududning katta qismida yomgʻir yogʻadi, Buxoro, Navoiy viloyatlarining ayrim tumanlarida baʼzi joylarda biroz yogʻingarchilik boʻlishi mumkin. Qoraqalpogʻiston va Xorazm viloyatida yogʻingarchilik kutilmaydi. Kunduzgi harorat +5...+8 darajani tashkil etadi.
7-8-noyabr kunlari hududlar boʻyicha baʼzi joylarda shamol 15-20 m/s gacha kuchayishi kutilmoqda.
9-11-noyabrda O'zbekiston hududida yogʻingarchilik kutilmaydi.
Qayd etilishicha, sovuq havo massalari kirib kelishi natijasida 9-11-noyabrda harorat kechalari -2…0 darajagacha pasayadi. Haftaning oxiriga kelib harorat +10…+14 daraja atrofida va meʼyorga yaqin boʻladi.
7-8-noyabr kunlari kuchli yomgʻir yogʻishi hisobiga respublikaning togʻ oldi va togʻli hududlarida sel kelishi xavfi bor. Kechasi va ertalab baʼzi joylarga tuman tushishi mumkin.
Ko`proq xabarlar Telegram kanalimizda
Obuna bo`ling