Foto: IIB matbuot xizmati.
Toshkent shahrining Uchtepa tumanida Nexia-1 va Audi e-tron GT avtomobillari to‘qnashib ketdi, deb xabar berdi IIB matbuot xizmati.
Yo‘l-transport hodisasi 7-sentabr kuni soat taxminan 10:20 da Katta Qani ko‘chasida sodir bo‘lgan. Mashinalarning aynan qanday to‘qnashuvi aniqlanmagan, faqat haydovchilarning ma’lumotlari keltirilgan. Nexia-1 rusumli avtomashinani 69 yoshli fuqaro, Audi e-tron GT rusumli avtomashinani esa 48 yoshli odam boshqargan.
Nexia-1 haydovchisi tan jarohatlari bilan kasalxonaga yotqizilgan, Audi e-tron GT egasi bilan nima sodir bo‘lgani haqida ma’lumot berilmagan.
Huquq-tartibot organlari surishtiruv ishlarini olib bormoqda.
Ko`proq xabarlar Telegram kanalimizda
Obuna bo`ling
