Foto: Repost.uz
Sinoptiklar hafta soʻnggida kuzatiladigan ob-havo haqida maʼlumot berdi.
Ma'lum qilinishicha, 25-noyabr kuni Oʻzbekiston boʻyicha yogʻingarchilik kutilmaydi. Ertalab shimoliy hududlarda va Fargʻona vodiysining baʼzi joylarida tuman tushishi hisobiga koʻrinuvchanlik yomonlashishi mumkin. Harorat darajada yuqori, +15...+17 daraja iliq, janubda +20 daraja iliq atrofida boʻladi.
Dam olish kunlari Oʻzbekiston hududiga markazi Qozogʻiston ustida boʻlgan sovuq antisiklon taʼsir etadi. Havo harorati kechalari +3...+8 darajagacha iliq, kunduz kunlari +8...+13 darajaga yetadi.
Ushbu kunlarda respublikaning barcha hududlari boʻyicha quruq ob-havo saqlanib turadi, kechasi va ertalab baʼzi joylarga tuman tushadi.
Sovuq havo kirib kelishi natijasida shimol va choʻl hududlarining baʼzi joylarida shamol tezligi soatiga 15-20 m/s gacha kuchayadi.
Ko`proq xabarlar Telegram kanalimizda
Obuna bo`ling
