Foto: Transport vazirlig matbuot xizmati
5-dekabr sanasidagi Toshkentdan qatnaydigan barcha shaharlararo avtobus qatnovlari noqulay ob-havo sharoiti sababli bekor qilindi. Bu haqda Transport vazirligi matbuot xizmati xabar bermoqda.
“Respublikada kuzatilayotgan noqulay ob-havo sharoiti tufayli yoʻllarda yuzaga kelgan muzlamalar sababli yoʻlovchilar xavfsizligini taʼminlash maqsadida 2022-yilning 5-dekabr sanasidan Toshkent avtovokzalidan amalga oshiriladigan barcha shaharlararo avtobuslar harakati vaqtinchalik bekor qilindi", — deyiladi xabarda.
Xabarga koʻra, yoʻnalishlarda qatnovlarning qayta tiklanishi toʻgʻrisida qoʻshimcha maʼlumot beriladi.
Avvalroq, Toshkentdagi gaz bosimi pasayib ketishi oqibatida ayrim gaz quyish shoxobchalarining faoliyati vaqtincha toʻxtatilgani haqida xabar berilgan edi.
Ko`proq xabarlar Telegram kanalimizda
Obuna bo`ling