Foto: Yahoo Movies Canada
Buyuk Britaniya hukumati aloqa markazi rahbari Jeremi Fleming oʻz bayonotida “Ukraina urush toʻlqinini oʻzgartirdi, u toliqqan holatda boʻlgan Rossiya kuchlariga qarshi turibdi”, — deya fikr bildirdi.
Buyuk Britaniya hukumati aloqa markazi maʼlumotlariga koʻra, Ukraina hududiga qilingan yirik raketa hujumlariga qaramay, rossiyalik harbiylarning oʻq-dorilari tugab bormoqda va Rossiya prezidenti Vladimir Putinning qarorlari xato boʻlib chiqdi.
"Rossiyaning Ukrainadagi urushga sarflagan sarf-xarajatlari odam va texnika jihatidan hayratlanarli, ammo urushning dastlabki oylarida rus qoʻshinlarining jang maydonida erishgan barcha muvaffaqiyatlari endi bekor boʻldi", — deydi Fleming.
Vaziyatga baho berishda Putin qanchalik adashganini Rossiya fuqarolari ham koʻrishmoqda, deya xabar berdi Britaniya maxsus xizmati.
Ko`proq xabarlar Telegram kanalimizda
Obuna bo`ling
