Luiza Rasulova - yorqin o'zbek estradasi yulduzlaridan biri. Mahalliy shou-biznesdagi eng mashhur va muhokama qilinadigan odamlardan hisoblanadi. U iste'dodli kino yulduzi, teleboshlovchi va to'y tadbirlari boshlovchisi hamdir. Bir necha yillik ijodiy faoliyati davomida go‘zal aktrisa o‘zbekistonlik muxlislarning qalbidan mustahkam joy olgan.
Yoshlik va bolalik davri:
Luiza Rasulova 1995-yil 24-aprelda Toshkent shahrida tug‘ilgan. Aktrisa oilasining san'atga hech qanday aloqasi bo’lmagan, ammo ular Luizaning aktyorlik universitetida o'qish istagini qo'llab-quvvatlaganlar va unga doimo yordam berib kelishgan. Luiza o'smirlik davridanoq o'zining go'zalligi, nafis qomati va xulq-atvori bilan tengdoshlaridan sezilarli darajada farq qilgan.
Bo'lajak yulduz o'rta maktabda o'qiyotgan paytlaridayoq o'zbek shou-biznesida o'z o'rni uchun kurasha boshlagan. Rasulova tadbirlarni tashkil etish va o‘tkazishda ishtirok etgan. Luizaning xulq-atvori va o’zini tutishidan kelib chiqib uni to’y tadbirlariga taklif qilishni boshlashgan.
2013-yilda Luiza o‘rta maktabni tugatgan va keyin Kievda o‘qishni davom ettirib, Milliy universitetning aktyorlik bo‘limiga o‘qishga kirgan. U o‘zbek, rus va ukrain tillarini yaxshi bilgan. Keyinchalik aktrisa o’z karyerasini qurishida buning foydasi tekkan.
Ijodiy faoliyati
Luizaning birinchi muvaffaqiyati uning "O Maryam, Maryam" filmidagi rolini ma'qullaganidan keyin kelgan. Ushbu filmda u afsonaviy aktyorlar jamoasiga qo’shilgan. Luiza bilan birgalikda bosh rolni ijro etgan o‘zbek xonandasi Shahzoda filmda suratga tushgan. Yosh aktrisa Ulug‘bek Qodirov, Nargiza Salmonova, Yaira Abdullayeva kabi aktyorlardan aktyorlik mahorati bo’yicha ko’nikmaar olgan.
Ushbu filmni suratga olish ishlari tugallangach, “Ona” deb nomlangan navbatdagi kartinani suratga olish ishlari boshlangan. Bu safar Luiza bilan suratga olish maydonchasida O‘zbekiston xalq artisti Saida Rametova ishtirok etgan. Film davomida Luiza milliy akademik drama va kino teatrining yetakchi aktrisasidan ko‘p narsani o‘rgangan. Bu 2017 yilda sodir bo'lgani uchun bu yilni aktrisa o'zining omadli yili deb ataydi, chunki shu yilda u Zo'r TV xususiy musiqa kanalida "Indigo" teleko'rsatuvining boshlovchisi bo'lgan.
Shaxsiy hayoti
Hammaga ma’lumki, yosh aktrisa hozircha oila qurish haqida o’ylamaydi, u o'zini o'zi rivojlantirish bilan band. Shunga qaramay, u allaqachon mahalliy shou-biznesning ko'plab san'atkorlari bilan ishqiy munosabatda bo'lgan, hamma O'zbekiston xalq shoiri Ahad Qayum bilan ishqiy munosabatlar haqidagi mish-mishlarni eslagan bo’lsa ajab emas. Bunday mish-mishlarga Luiza bilan Ahadning birga tushgan suratlari sabab boʻlgan. Bundan bilish mumkinki ular rostdan ham ishqiy munosabatlarda bo’lganliklari haqiqatga yaqinroq. Omma oldida Luiza faqat onasi yoki akalari bilan birgalikda ko’rinish beradi.
Luiza Rasulova hozirda
Bugungi kunda Luiza Rasulova xayriya ishlarida faol ishtirok etib, “Ro‘zg‘orga barokat” jamg‘armasi egasi hisoblanadi. Shuningdek, yaqinda soch, teri va tirnoqlar uchun o‘zining vitaminlar brendini ham ochdi.
Uning instagram akkauntida 3.4 million obunachisi bor.
Ko`proq xabarlar Telegram kanalimizda
Obuna bo`ling
