Foto: CBS News
Amerikaning Kentukki shtatida maktab avtobusi halokatga uchradi, 18 nafar bola va haydovchi turli darajadagi tan jarohatlari olgan, deya xabar bermoqda SBS News telekanali.
Malum qilinishicha, baxtsiz hodisa Magoffin okrugida sodir boʻlgan.Avtobus Salersvill shahriga ketayotib, yoʻldan chiqib ketgan va agʻdarilgan.
Jabrlanganlar vertolyot va tez yordam mashinasida yaqin atrofdagi shifoxonalarga yetkazilgan. Ular orasida boshlangʻich, oʻrta va yuqori sinf oʻquvchilari bor. Politsiya maʼlumotlariga koʻra, hodisaga boshqa mashinalarning aloqasi yoʻq.
Qayd etilishicha, maktab avtobusi xavfsizlik kamarlari bilan jihozlanmagan, natijada koʻplab bolalar jarohat olgan.
Hodisa sabablari aniqlanib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
