Foto: Terabayt.uz
Oʻzbekistonda kripto-doʻkon faoliyatini tashkil etish tartibi belgilandi. Bu haqda “Huquqiy axborot” Telegram kanali xabar bermoqda.
Maʼlum qilinishicha, 1-oktyabr kuni kripto-doʻkon faoliyatini amalga oshirish qoidalari Adliya vazirligida davlat roʻyxatidan oʻtkazilgan. Mazkur qoidalar kripto-doʻkon faoliyatini tashkil etish va amalga oshirish tartibini belgilaydi.
Kripto-doʻkonda quyidagi operatsiyalar amalga oshiriladi. Kripto-doʻkonning elektron platformasi orqali:
— jismoniy shaxslar tomonidan bank oʻtkazmalarini amalga oshirish orqali kripto-aktivlarni milliy valyutada sotib olish yoki sotish;
— chet ellik jismoniy shaxslar tomonidan bank oʻtkazmalarini amalga oshirish orqali kripto-aktivlarni xorijiy valyutada sotib olish yoki sotish.
Kripto-doʻkonlarining savdo obyekti orqali:
— jismoniy shaxslar tomonidan bank oʻtkazmalarini amalga oshirish orqali kripto-aktivlarni milliy valyutada sotib olish;
— mijozlar tomonidan kripto-aktivlarni naqd pul koʻrinishida milliy yoki xorijiy valyutada sotib olish;
— mijozlar tomonidan kripto-aktivlarni faqat milliy valyutada sotish.
Shuningdek, kripto-doʻkonda quyidagi operatsiyalarni amalga oshirish taqiqlanadi:
— majburiy identifikatsiyadan oʻtkazilmagan mijozlar bilan amalga oshiriladigan operatsiyalar;
— Oʻzbekiston rezidentlari tomonidan chiqarilgan kripto-aktivlar bilan operatsiyalar;
— anonim kripto-aktivlar hamda oʻzaro oʻzgarmas tokenlarni sotib olish yoki sotish operatsiyalari.
Ko`proq xabarlar Telegram kanalimizda
Obuna bo`ling
