Zarafshonda Lacetti piyodalar o'tish joyida erkakni urib ketib, voqea joyidann yashiringani haqida xabar berilgan edi. Navoiy viloyati IIB Zarafshon shahrida yuz bergan YTHga izoh berdi.
Qayd etilishicha, voqea 14-sentabr kuni soat 13:02 da Marvarid ko‘chasida sodir bo‘lgan. Unga ko'ra, Lacetti haydovchisi piyodalar o‘tish joyida yo‘lni kesib o‘tayotgan fuqaroni urib yuborgan.
Ma'lum qilinishicha, jarohatlangan fuqaro tibbiyot bo'limining reanimatsiya bo'limiga yotqizilgan.
Viloyat IIB tomonidan o'tkazilgan tezkor surishtiruv natijalarida aniqlanishicha, haydovchi 17 yoshli o'smir yigit bo'lib, Lacetti mashinasi uning otasiga tegishli bo'lgan.
Hozirda huquqni muhofaza qiluvchi organlar tomonidan tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
