Sirdaryo viloyatining Mirzaobod tumanida sodir bo‘lgan yo‘l-transport hodisasi oqibatida to‘rt kishi halok bo‘ldi. Bu haqda IIB axborot xizmati xabar berdi.
Qayd etilishicha, 3-sentyabr kuni tumanning "Turg‘un Ahmedov" mahallasi hududidan o‘tuvchi A373 avtomobil yo‘lining 22-kilometrida Termiz—Toshkent yo‘nalishida harakatlanayotgan 36 yoshli haydovchi boshqaruvidagi "Lacetti" yo‘lning qarama-qarshi yo‘nalishida harakatlanib kelayotgan "Nexia-2" bilan to‘qnashib, yo‘l-transport hodisasini sodir etgan.
Ushbu baxtsiz hodisa oqibatida "Nexia-2" haydovchisi va uning ichida bo‘lgan uch nafar yo‘lovchi olgan tan jarohatlari oqibatida voqea joyida vafot etgan. Yana bir nafar yo‘lovchi esa Oqoltin tumani tibbiyot birlashmasi jonlantirish bo‘limiga joylashtirilgan.
Ko`proq xabarlar Telegram kanalimizda
Obuna bo`ling
