Foto: Telegram
Repost.uz nashri O'zbekiston va dunyo bo'yicha eng qiziq sport xabarlarini qisqa va tushunarli ko'rinishda bir joyga jamladi.
2025-yildan boshlab klublar oʻrtasidagi JCHda 32 ta jamoa ishtirok etadi
Foto: Eurosport
Bu haqda Infantino maʼlum qildi.
2025-yildan boshlab klublar oʻrtasidagi Jahon chempionatida 32 ta jamoa qatnashadi.
Bu haqda FIFA prezidenti Janni Infantino maʼlum qildi.
“Klublar oʻrtasidagi Jahon chempionatining yangi versiyasi boʻladi. 2025-yildan boshlab unda 32 ta jamoa ishtirok etadi.
Bu turnir terma jamoalar oʻrtasidagi JCHga oʻxshaydi”, – dedi Infantino.
Yaqinda Yevropaning top-klublari yangilangan klublar oʻrtasidagi mundialda ishtirok etishni istamayotgani haqida maʼlumotlar paydo boʻlgan edi.
JCH-2022. Superkompyuter finalda va bronza uchun bahsda qaysi jamoalar gʻalaba qozonishini taxmin qildi
Foto: Open source
Qatardagi mundial finalida Argentina – Fransiya bahsi, 3-oʻrin uchun esa Xorvatiya – Marokash uchrashuvi boʻlib oʻtadi.
“FiveThirtyEight” superkompyuteri mazkur juftliklardagi favoritlarni taxmin qildi. Unga koʻra, Argentinaning gʻalabasiga 53 foiz berilgan. Fransuzlarniki esa mos ravishda 47 foizni tashkil etmoqda.
Shuningdek, Xorvatiyaning Afrika termasi ustidan gʻalabasi 53 % bilan baholangan.
Eslatib oʻtamiz, JCH-2022 finali 18-dekabr kuni (20:00), 3-oʻrin uchun bahs esa 17-dekabr (20:00)da boʻlib oʻtadi.
Ruslan Nurudinov - mutlaq jahon chempioni
Kolumbiya poytaxti Bogota shahrida ogʻir atletika boʻyicha kattalar oʻrtasidagi jahon chempionati davom etmoqda.
Ruslan Nurudinov dunyo birinchiligida -109 kg vazn toifasida mutlaq jahon chempionligini qoʻlga kiritdi. Bu bilan andijonlik polvon ikki bor jahon chempionligiga erishgan birinchi oʻzbek ogʻir atletikachisiga aylandi.
Nurudinov dast koʻtarish mashqida 177 kg, siltab koʻtarishda 220 kg va umumiy hisobda 397 kg bilan ushbu vazn toifasida tengsiz ekanini koʻrsatib, 3 yoʻnalishda oltin medallarga egalik qildi. Bu uning faoliyatida dunyo birinchiligidagi ikkinchi chempionlik. U eng yaqin taʼqibchisini 8 kgga ortda qoldirishga erishdi.
Ogʻir atletika boʻyicha JCH. Erkaklar, -109 kg:
1. Ruslan Nurudinov (Oʻzbekiston) - 397 (177+220) kg
2. Giorgi Chxeidze (Gruziya) - 389 (170+219) kg
3. Rafael Kastilyo (Kolumbiya) - 388 (174+214) kg
Ronaldu APL top klubi safiga borib qoʻshilishi mumkin
Foto: India.com
Hujumchi Krishtianu Ronaldu yana Angliya Premyer-Ligasiga qaytishi mumkin.
Portugaliyalik futbolchi xizmatlariga Londonning “Chelsi” klubi qiziqish bildirmoqda. “Aristokratlar” hujumdagi muammolar sababli yanvarda Ronalduni oʻz saflariga qoʻshib olishni istashmoqda.
Bir necha kun avval “Chelsi” hujumchisi Armando Broyya jiddiy jarohat oldi va mavsum oxirigacha safdan chiqdi. Hozirda “Chelsi”da bitta nominal forvard — Pyer-Emerik Obameyang bor.
Kroos: “Agar Messidek futbolchining faoliyati jahon chempionligi bilan boyimasa, notoʻgʻri boʻladi”
Foto: Open source
Toni Krossning fikricha, Lionel Messi 2022-yilgi JCHda gʻalaba qozonishga loyiq.
Bungacha Germaniya terma jamoasida oʻynagan “Real” yarim himoyachisi finalda kimga muxlislik qilishi haqidagi savolga javob berar ekan, shunday dedi:
“Agar shaxsiy motivlar haqida gapiradigan boʻlsak, Fransiyada mening ”Real“dagi ikki jamoadoshim bor.
Boshqa tomondan, rostini aytishim kerak: agar Messidek futbolchining faoliyati jahon chempionligi bilan boyimasa, notoʻgʻri boʻladi”, – dedi Kroos.
Argentina va Fransiya oʻrtasidagi JCH-2022 finali 18-dekabr, yakshanba kuni boʻlib oʻtadi.
Ko`proq xabarlar Telegram kanalimizda
Obuna bo`ling
