Ijtimoiy tarmoqlarda Surxondaryo viloyati Denov tumanidagi shifoxonada hamshiraning farzandi oldida kaltaklangani haqidagi video-lavha tarqaldi. Sog‘liqni saqlash vazirligi holat yuzasidan rasmiy munosabat bildirdi.
Qayd etilishicha, tuman sil kasalliklar shifoxonasi bosh hamshirasi va mazkur davolash muassasasi fizioterapiya bo‘limi hamshirasining shaxsiy adovati sabab, 18-oktyabr kuni soat tahminan 10:00 lar atrofida ziddiyatli holat yuzaga kelgan.
Ushbu holatga fizioterapiya bo'limi hamshirasining yaqinlari ham aralashib, shifoxona bosh hamshirasiga tan jarohati yetkazgan.
Shu bilan birga, tibbiyot xodimlarining odob-axloq qoidalariga zid xatti-harakatlarni sodir etgan hamshiralar vaqtincha ishdan chetlashtirildi. Shu bilan birga kaltaklangan hamshira qizining ruhiy holati va sog‘lig‘i mutaxassislar nazoratiga olingan.
Hozirda huquq-tartibot idoralari tomonidan ushbu holat yuzasidan tegishli surishtiruv ishlari olib borilib, voqea sabablari aniqlanayotgani ma’lum qilingan.
Ko`proq xabarlar Telegram kanalimizda
Obuna bo`ling
