Foto: Prezident matbuot kotibi
2023-yildan boshlab tadbirkorlar uchun bir qancha soliq imtiyozlari joriy qilinadi. Bu haqda prezident matbuot kotibi xabar berdi.
Ta'kidlanishicha, 2023-yil 1-yanvardan boshlab mikrobiznes uchun aylanmadan olinadigan soliqning amaldagi 4 foizdan 25 foizgacha bo'lgan stavkalari o'rniga yagona 4 foizli soliq stavkasi joriy etiladi.
Bunda, olis hududlardagi va alohida toifadagi tadbirkorlar uchun amaldagi 1 va 2 foizli stavkalar saqlab qolinadi. Yoki ular ixtiyoriy ravishda yiliga 20-30 million so'm to'lasa, buxgalteriya hisobini yuritish va soliq idoralariga taqdim etish majburiyatidan ozod etiladi.
Ikkinchi toifa, ya'ni aylanmasi 1 milliard so'mdan oshib, umumiy soliq to'lash tartibiga o'tgan korxonalar bir yil davomida foyda solig'ini 2 barobar kam to'laydi.
Shuningdek 2022-yilning boshidan boshlab qo'shimcha qiymat solig'i ham 12 foizga tushirilishi ta'kidlangan.
Ko`proq xabarlar Telegram kanalimizda
Obuna bo`ling
