Foto: Getty images
O‘zbekiston Adliya vazirligi qimor va tavakkalchilikka asoslangan o‘yinlarni tashkil etish, o'tkazish va bukmekerlik idoralarini reklama qilish uchun javobgarlikni kuchaytirishni taklif qildi. Bu bo'yicha qonun loyihasi muhokamaga taqdim etildi.
Ma'lum qilinishicha, so'nggi yillarda qimor va boshqa tavakkalchilikka asoslangan oʻyinlarni tashkil etish, shuningdek, bunday oʻyinlarda ishtirok etish bilan bogʻliq jinoyatlar va maʼmuriy huquqbuzarliklar soni ortib bormoqda.
Qonun loyihasida qimor oʻyinlarini tashkil etish, oʻtkazish va unda ishtirok etish bilan bogʻliq noqonuniy xatti-harakatlar uchun maʼmuriy va jinoiy javobgarlikni kuchaytirish nazarda tutilgan.
Shuningdek, u qimor oʻyinlarini targʻib qiluvchi mahsulotlarni noqonuniy tarqatish, reklama qilish, ishlab chiqarish yoki mamlakatga olib kirish uchun javobgarlikni ham hisobga oladi.
Xususan, ular Jinoyat kodeksining 278-moddasini (Qimor va boshqa tavakkalchilikka asoslangan o‘yinlarni tashkil etish hamda o‘tkazish) beshinchi va oltinchi qismlar bilan to‘ldirmoqchi. Ularga ko‘ra, fuqarolar 400 dan 600 BHMgacha miqdorda jarima (120 mlndan 180 mlnn so‘mgacha) yoki 360 soatgacha majburiy jamoat ishlari yoki uch yilgacha axloq tuzatish ishlari bilan jazolanadi.
Xuddi shunday qilmishlar bir guruh shaxslar tomonidan oldindan kelishib sodir etganlik uchun 360 soatdan 480 soatgacha majburiy jamoat ishlari yoki bir yildan uch yilgacha ozodlikni cheklash taklif etilmoqda.
Ko`proq xabarlar Telegram kanalimizda
Obuna bo`ling
