Foto: infobae
TikTok qisqa shakldagi, video almashish ilovasi boʻlib, foydalanuvchilarga istalgan mavzuda videolar yaratish va almashish imkonini beradi. Ushbu ilova so'nggi yillarda butun dunyoda keng tarqaldi va insonlar o'z harakteridan kelib chiqib turli hil videolar joylab boradilar.
Charli D'Amelio 2004-yil 1-mayda tug'ilgan, amerikalik ijtimoiy media shaxsi. U 2019-yilda ijtimoiy mediadagi karerasini boshlashdan oldin 10 yildan ortiq vaqt davomida raqqosa bo‘lgan. U Tik Tok video almashish platformasida kontentni faol joylashtirishni boshlagan. Yik Tok platformada trend bo‘layotgan raqs videolarini joylashtirishni boshlaganidan so'ng u tezda ko'plab muxlislarni to'pladi. 2022-yilda Khaby Lamedan o'tib ketib platformada eng ko'p kuzatuvchiga ega bo'lgan ijodkorga aylandi.
Khaby Lame 2000-yil 9-martda tugʻilgan, Italiyada yashaydigan asl kelib chiqishi senegallik ijtimoiy media shaxsi. U o'zining TikTokida haddan tashqari murakkab hayotni buzish videolarini jimgina masxara qilishi orqali tanilgan. 2022-yil iyul holatiga ko‘ra, Lame eng ko‘p kuzatilgan TikToker hisoblanadi.
Will Smit 1968-yil 25-sentabrda tugʻilgan, amerikalik aktyor, rejissyor va xip-xop sanʼatkori. "Qirol Richard" filmidagi Richard Uilyams roli uchun "Eng yaxshi aktyor" nominatsiyasida Oskar, BAFTA, Ekran aktyorlari gildiyasi va "Oltin globus" mukofotlari, shuningdek, ikkita Grammy mukofoti sovrindori. 2008-yilda Uill Smit Forbes jurnalining Gollivuddagi eng ko‘p maosh oluvchi aktyorlar ro‘yxatida birinchi o‘rinni egallab, bir yilda 80 million dollar ishlab topgan. Uning to‘qqizta filmi ketma-ket har biri 100 million dollardan ko‘proq daromad keltirgan. Biz yaxshi tanigan aktyor zamondan qolib ketmaslik uchun o'zining Tik Tok sahifasini yuritadi va u hozirgi kunda yaxshigina auditoriyaga ega.
Burak O'zdemir 1995-yil 24-martda tug'ilgan. CZN Burak taxallusi, otasining Lalelidagi to'qimachilik do'konining nomi Cinzano so'zining tez-tez noto'g'ri talaffuz qilinishidan kelib chiqqan. Burak aql bovar qilmaydigan o'lchamdagi taomlarni tayyorlash haqidagi mashhur videolari hamda doimo tabbasum qilishi orqali Tik Tok olamida mashhur bo'lgan. Uning restoraniga tez-tez mashhur insonlar tashrif buyurishadi. Burak esa ularga bo'sh oshxona idishlari orqali hazil qilib video suratga oladi.
Littos nomi bilan tanilgan Asal Saparbayeva o'zbekistonlik bo'lib, bolaligidan gimnastika bilan shug'ullangan va 16 yilini shu sportga bag'ishlagan. U nafaqat ko‘p karra O‘zbekiston, balki Markaziy va Janubiy Osiyo chempioni, Osiyo o‘yinlari va jahon chempionati sovrindori.
Sportchining rivojlanishi shu bilan to'xtab qolmadi. U ijtimoiy tarmoqlarda “superqahramon Kelin” roli bilan turli hil tryuklar qilib mashhurlikka erishdi.
Ko`proq xabarlar Telegram kanalimizda
Obuna bo`ling
