Futbol allaqachon millardlar o'yiniga aylanib ulgurgan, muxlislar o'zlari ishqizbozlik qiladigan jamoa g'alaba qilsa hursand bo'lishadi, mag'lubiyat paytida esa ko'z yosh to'kishadi. Shuning uchun bugungi videolar to'plamini futbol muxlisining Tik Tokda mashur bo'lgan videosidan boshlashga qaror qildik.
Ketma-ket mavsumda barqaror o'yin ko'rsatib kelayotgan Manchester City muxlisi ham jamoasiga mos ekanligini isbotlab qo'ygan video.
Manchester Yunayted esa shaharliklarga javoban o'z sahifasida jamoada birdamlik qanday ekanligini ko'rsatib qo'yish uchunmi yoki boshqa bir sabab ushbu videoni joylagan. Ta'kidlash joizki, rostdan ham klub birdamligiga havas qilsa arziydi, Bruno Fernandesh mas'uliyatni o'z bo'yniga olib Sanchoga to'pni qayerga tepish kerakligini uqtirmoqda. Natija esa gol bilan tugadi.
Barcha joyda kamchilik bo'lganidek, Manchester Yunayted ham kamchiliklardan holi emas. Jamoada shunday himoyachi borki Tik Tokda undan mashhurroq futbolchi bo'lmasa kerak. Tushunganingizdek gap Harry Maguayr haqida ketmoqda. Hozirgi kunda muxlislar Yunayted g'alabalariga Maguayrning maydonga tushmagani sabab bo'layotganini ta'kidlashmqda.
Ushbu mavsum "ketmoni uchmayotgan" Liverpul klubi Dua Lipaning qo'shig'i ostida chempionlikni nishonlayotgan videosini joylashtirgan. Kubok Chempionlar ligasiniki bo'lmasa ham nishonlashga arzigulik natija.
Camp Nouda esa mana shunday muhit hukmron. Videoni ko'rgan har bir muxlis borishni xohlasa ajab emas. Bir nechta transferlar muvaffaqiyatli amalga oshirilganidan so'ng Barselona o'ynida barqarorlik sezila boshladi. Muxlislar ham shunday stadionda yorqin o'yinni kuzatishlaridan zavq olyaptilar.
Barselonaning ashaddiy raqibi hisoblangan Real Madrid bo'lsa o'z "erkatoy"iga hurmat ko'rsatib, uning mashhur 1-2-3 "Siuu" iborasini yodga olgan.
Norwich klubi Real Madridga zid ravishda Ronalduning davri o'tganini eslatib qo'yishga harakat qilgan.
Chelsi klubi videoga biroz kreativ tarzda yondashgan hamda harakatlar beo'xshov bo'lsa ham muhimi to'p darvoza to'ridan joy olganiga e'tibor qaratgan.
Shunday shaxslar bo'ladiki futbolni tilga olganda ularni eslamaslik futbolga nisbatan hurmatsizlikdek tuyuladi. O'z harakteri bilan muxlislarni ham zavqlantirib ham jahlini chiqaradigan qahramonimiz Joze Mourinyo hatti-harakatlari orqasidan Tik Tok yulduziga aylanib ulgurgan.
So'nggi videoda esa APL shiddatini his qilishingiz hamda futbol chiroyidan bahramand bo'lishingiz mumkin.
Ko`proq xabarlar Telegram kanalimizda
Obuna bo`ling
