Taniqli xonanda Sardor Toirov toʻy xizmatlarining birida chiroq oʻchib qolgani va muxlislariga jonli ijroda qoʻshiq kuylab bergani aks etgan videoni eʼlon qildi.
Aktrisa Durdona Qurbonova Xiva shahrida “Pahlavon Mahmud” filmida suratga tushayotgani haqida gapirib berdi. Shuningdek aktrisa filmning suratga olish jarayonlaridan videolavha eʼlon qildi.
Xonanda Bunyodbek Saidov Nyu-Yorkda joylashgan osmonoʻpar binoning 102-qavatida muxlislari bilan raqs tushgan videolavhasini obunachilari bilan baham koʻrdi.
Jaloliddin Ahmadaliyev Zangiotadagi shifoxonaga bordi va bemorlar bilan suhbat uyushtirdi hamda ularga sovgʻalar taqdim etdi.
Instabloger, tiktoker Dili.me (Dilshod Nazarov) ning singlisi turmushga chiqdi. Toʻyda oʻzbek shou-biznesining bir qator taniqli vakillari ishtirok etdi.
Shuningdek, bloger toʻyda singlisiga atab qoʻshiq kuyladi.
Xonanda Jahongir Otajonov Volkswagen elektromobilini xarid qildi.
“Qalpoq” koʻrsatuvida Maraymamat obrazi bilan xalqqa tanilgan Rahmonali Suropov ilk marta bobo boʻldi.
Muqaddas Saʼdullayeva turmush oʻrtogʻi Yigitali Mamajonov bilan yangi koʻrsatuvga boshlovchilik qilishini maʼlum qildi.
Hozirda Amerikada yashab kelayotgan reper Shaxriyor ijodga qaytgani va tez kunlarda muxlislariga yangilikni taqdim etishini maʼlum qildi.
Xonanda Jasur Umirov onasi va singlisining Umra safariga borgani aks etgan videoni eʼlon qildi.
Aktrisa Shahzoda Muhammedova hamkasblari Rayhon Ulasenova, Rixsitilla Abdullayev, Sitora Farmonova, Mashhura Zulfiqorova va delegatsiya aʼzolari bilan Istanbuldagi Koʻrkut ata kinofestivalida ishtirok etayotgani aks etgan videoni Instagram sahifasiga joylashtirdi.
Xonanda, teleboshlovchi Xusnora Shodiyeva 2-noyabrda tugʻilgan kunini Ozarbayjonning Boku shahrida nishonladi. Maʼlumot uchun, Xusnora Shodiyeva 29 yoshni qarshi oldi.
Xonanda Umidaxon sahifasiga turmush oʻrtogʻi bilan tushgan suratlarini joyladi.
Mashhur bloger Eraliga Umra safariga yoʻllanma sovgʻa qilishdi.
“Ummon” guruhining sobiq aʼzosi Shohrux bir oydan beri komada yotgan doʻsti Zohid Risqiyevga atab “Doʻst” nomli qoʻshigʻini kuyladi. Qoʻshiqning videoklipida “Ummon” guruhi aʼzolarining ilk sanʼatga kirib kelgan yillari, muxlislari olqishiga sazovor boʻlgani kabi voqealar aks etgan.
Bek vines taxallusi bilan ijod qiluvchi bloger Ozodbek onasi va opasiga Umra yoʻllanmasini sovgʻa qildi.
Bollivud yulduzi Shohrux Xon 2-noyabr kuni 57 yoshni qarshi oldi. Aktyorning Mumbaydagi uyi oldida minglab muxlislari uni tabriklash uchun yigʻildi.
Zarina Nizomiddinova oʻzining Instagram sahifasida onasining tugʻilgan kunini yaqinlari davrasida Moskvada nishonlagani aks etgan videoni muxlislariga namoyish qildi. Zarina Nizomiddinova onasiga atab rus tilida qoʻshiq kuyladi.
Xonanda Ruxshona turmush oʻrtogʻi unga Malibu sovgʻa qilganini maʼlum qildi.
Shuningdek, xonanda post ostida – “Turmush oʻrtogʻimdan sovgʻa, katta rahmat sizga. Uzoqda boʻlsangiz ham yonimdasiz sevgilim. Boringizga shukur. Havas qilganlarga nasib qilsin”, — deb izoh qoldirgan.
Xonanda Munisa Rizayeva “Xayolingdaman” nomli taronasiga ishlangan videoklipni muxlislariga taqdim etdi. Klipda aktrisa Yulduz Rajabova va Abror Malik ishtirok etgan.
Aktrisa Muqaddas Saʼdullayeva ijtimoiy tarmoqlarda turmush oʻrtogʻi Yigitali Mamajonov bilan Umra safariga yoʻl olgani aks etgan videoni joylashtirdi.
Ko`proq xabarlar Telegram kanalimizda
Obuna bo`ling
