Foto: Kadrdan
20-avgust kuni Qoraqalpog'iston respublikasi Xo'jayli tumanida somon ortilgan tirkama yonib ketgan. Bu haqda Qoraqalpog'iston FVB xabar berdi.
Qayd etilishicha, 20-avgust kuni soat taxminan 18:20 atrofida Xo‘jayli tumani «Abat» MFY hududida harakatlanib borayotgan T-40 markali traktor tirkamasida yong‘in kelib chiqqanligi bo‘yicha «101» raqamiga chaqiruv kelib tushgan.
Yong‘in oqibatida 33 yoshli fuqaro boshqaruvidagi traktor tirkamasida jami 150 dona preslangan o‘t-cho‘p yonib ketgan. Yong‘inga traktorning ovoz qaytargichiga alohida uchqin so‘ndirgich qurilmasi o‘rnatilmagani sabab bo'lgan bo'lishi mumkin deb taxmin qilinmoqda.
Yong‘inning aniq sababi hamda moddiy ziyon haqida ma'lumot mavjud emas.
Ko`proq xabarlar Telegram kanalimizda
Obuna bo`ling
