Rossiya Ukraina shaharlariga 75 ta raketa uchirdi, ulardan 41 tasi havo mudofaasi yordamida zararsizlantirildi. Bu haqda Ukraina Qurolli kuchlari bosh qo‘mondoni Valeriy Zalujniy ma’lum qildi.
Qayd etilishicha, zarbalar berish uchun uchuvchisiz uchish apparatlari qo‘llanilgan.
TACC nashrining xabar berishicha, Kiyevdagi portlashlar oqibatida halok bo'lganlar va yaralanganlar bor, ayni paytda barcha jamoat transportlari harakati to‘sib qo‘yilgan.
Ukrainaning bir qancha shaharlarida – Lvov, Dnepropetrovsk, Xarkov, Odessa va Ivano-Frankivskda ko‘plab infratuzilma shikastlanishlari qayd etilgan.
Ukraina prezidenti Vladimir Zelenskiy Kiyev markazidan videomurojaat yo'lladi.
"Ruslar bizda vahima va tartibsizlikni yuzaga keltirishni maqsad qilgan. Ular butun mamlakat bo'ylab energiya tizimini yo'q qilishmoqchi. Ular bizning xalqimizga ko'proq zarar yetkazish uchun ataylab shu vaqtni tanlagan. Har doim xavfsizlik qoidalariga rioya qiling", — deydi prezident.
Ko`proq xabarlar Telegram kanalimizda
Obuna bo`ling
