Foto: Instagram
Professional boksning super ogʻir vazn toifasida harakat qilayotgan Bahodir Jalolov (11-0, 11 KO) oʻzining navbatdagi jangini oʻtkazdi.
Kaliforniyada boʻlib oʻtgan jang oqshomida Oʻzbekiston vakiliga amerikalik Kyortis Harper (14-8, 9 KO) raqib boʻldi.
Jangning uchinchi raundida Jalolov faollikni oshirib, raqibini nokdaun holatiga tushirdi.
Toʻrtinchi raundda ham Bahodir ketma-ket zarbalar yoʻllashda davom etdi. Yana bir nokdaun holatidan keyin hakam texnik nokaut qayd etdi va jang toʻxtatildi.
Shu tariqa Jalolov oʻzining professional boksdagi 12-jangida 12-marta muddatidan avval gʻalabani qoʻlga kiritdi.
Ko`proq xabarlar Telegram kanalimizda
Obuna bo`ling