8-noyabr kuni soat 23:12 da Navoiy viloyati Xatirchi tumani “Navbahor” MFY Ahmad Yassaviy koʻchasida joylashgan savdo doʻkonlarida yongʻin sodir boʻldi. Bu haqda FVV matbuot xizmati xabar berdi.
Taʼkidlanishicha, yongʻin sodir boʻlayotganligi toʻgʻrisida tuman FVBga xabar kelib tushgan. Shunga koʻra 2 ta yongʻin-qutqaruv ekipaji 23:14 da voqea joyiga yetib borgan va yongʻin soat 23:38 da bartaraf etilgan.
Dastlabki maʼlumotlarga koʻra, yongʻin natijasida kiyim-kechak, maishiy texnika, chinni-chinovor va boshqa doʻkonlarning 120 kvadrat metr maydonda doʻkon jihozlari, mahsulotlari, shift va tom qismi yonib zararlangan.
Qutqaruvchilarning tezkor harakatlari natijasida yongʻindan imoratlarining 1500 kvadrat metr maydoni saqlab qolingan.
“Hodisa oqibatida tan jarohati olgan va halok boʻlganlar yoʻq. Hozirda yongʻinni kelib chiqish sababi va moddiy zarar miqdori aniqlanmoqda”, — deyiladi xabarda.
Ko`proq xabarlar Telegram kanalimizda
Obuna bo`ling
