Foto: Videodan lavha
Toshkent shahar Olmazor tumanida harakatlanib ketayotgan Matiz avtomobili yonib ketdi. Bu haqda IIV YHXX matbuot xizmati xabar bermoqda.
Qayd etilishicha, voqea 14-dekabr kuni soat 11:20 larda Olmazor tumani KHAY—Talabalar koʻchalari kesishgan chorrahasida sodir boʻlgan. Unga koʻra, 33 yoshli haydovchi Matiz rusumli avtomobilida harakatlanib ketayotgan vaqtda, transport vositasida qisqa tutashuv sodir boʻlgan. Shundan soʻng, uning natijasida yongʻin yuzaga kelgan. Yongʻin oʻt oʻchiruvchilar tomonidan bartaraf etilgan.
Hodisa oqibatida hech kim tan jarohati olmagan. Mazkur holat yuzasidan Toshkent shahar IIBB JXX YHXB hamda FVB xodimlari tomonidan surishtiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
