Foto: ekologuz
Telegram kanallarda Toshkent shahar, Yunusobod tumani “Universam” savdo markazi yoʻlagida Oʻzbekiston Qizil kitobiga kiritilgan Oʻrta Osiyo choʻl toshbaqasi, tipratikan bolalari va it, mushuk bolalari sotilayotgani haqida xabarlar tarqaldi.
Ma'lum bo'lishicha, Yunusobod tumanidagi “Universam” savdo markazi yonidagi koʻchada Qizil kitobga kiritilgan Markaziy Osiyo toshbaqasi, tipratikan, kuchuk va mushukchalar haqiqatdan ham ko'chada sotilayotgan bo'lgan.
Foto: ekologuz
Holat tuman Ekologiya boʻlimi mutasaddilari tomonidan o'rganilgan.
Natijada, yuqorida koʻrsatib oʻtilgan manzildagi holatga javoban hayvonlarni sotayotgan fuqaroga nisbatan tegishli tartibda dalolatnoma tuzilib, Qizil kitobga kiritilgan toshbaqalar fuqarodan olingan hamda Hayvonot bogʻiga topshirilgan.
Ko`proq xabarlar Telegram kanalimizda
Obuna bo`ling
