Foto: Telegram
Buxoro viloyati jinoyat ishlari boʻyicha sudida koʻrib chiqilayotgan 1-2-iyul kunlari Nukusda sodir boʻlgan voqealar yuzasidan sud majlisidan onlayn translyatsiya vaqtincha toʻxtatildi.
Qayd etilishicha, 2-dekabr kuni boʻlib oʻtgan muhokamalarda prokuror Jinoyat-protsessual kodeksining 432-moddasiga (Guvohlarni sud majlisi zalidan chiqarib turish ) muvofiq jonli efirni toʻxtatishni soʻrab sudyaga murojaat qilgan.
Maʼlum qilinishicha, bu guvohlarning soʻroq qilinishi bilan bogʻliq. Xabarga koʻra, guvohlar bir-birining koʻrsatuvlarini eshitmasligi lozim.
Avvalroq, Buxoro viloyati sudida 1−2-iyul kunlari Nukusda sodir boʻlgan tartibsizliklarda qatnashganlikda gumonlangan 22 kishiga nisbatan qoʻzgʻatilgan jinoyat ishini koʻrib chiqish jarayonlari boʻlib oʻtayotgani haqida xabar berilgan edi.
Ko`proq xabarlar Telegram kanalimizda
Obuna bo`ling
