Foto: Telegram
Namangan viloyatida “Jiguli” va Malibu ishtirokida roʻy bergan yoʻl-transport hodisasi oqibatida haydovchilardan biri halok boʻldi. Bu haqda viloyat IIB axborot xizmati xabar berdi.
Qayd etilishicha, 15-noyabr kuni 09:30 larda Kosonsoy—Toʻraqoʻrgʻon avtomobil yoʻlining 22-kilometrida 62 yoshli erkak boshqaruvidagi “VAZ-2101” ikkinchi darajali yoʻldan asosiy yoʻlga chiqqan.
Shundan so'ng, "Jiguli" haydovchisi chap tomondan kelayotgan "Malibu"ni oʻtkazib yubormasdan YTH sodir etgan.
Oqibatda “VAZ-2101” haydovchisi “bosh miya chayqalishi” tashxisi bilan tuman shifoxonasida vafot etgan.
Avvalroq, Jizzaxda bo'lga YTHda "Nexia" haydovchisi halok bo'lgani haqida xabar berilgandi.
Ko`proq xabarlar Telegram kanalimizda
Obuna bo`ling
