Foto: Xorazm viloyati ekologiya qo'mitasi matbuot xizmati
Xorazm viloyati Qoʻshkoʻpir tumanida 80 dan ortiq daraxtlar noqonuniy kesib tashlangani aniqlandi. Bu haqda viloyat ekologiya qoʻmitasi matbuot xizmati xabar bermoqda.
Foto: Xorazm viloyati ekologiya qo'mitasi matbuot xizmati
Qayd etilishicha, ijtimoiy tarmoqlarda “Qoʻshkoʻpir tumanida 100 dan ortiq daraxtlar kesib tashlanibdi” sarlavhasi ostida videomurojaat tarqalganidan soʻng, Xorazm viloyati ekologiya va atrof-muhitni muhofaza qilish boshqarmasi tomonidan Qoʻshkoʻpir tumanidagi “Rasulbek” fermer xoʻjaligida oʻrganish ishlari olib borilgan.
Foto: Xorazm viloyati ekologiya qo'mitasi matbuot xizmati
Oʻtkazilgan oʻrganish ishlari davomida fermer xoʻjalik yer maydoni hududida 83 tup har xil kattalikdagi terak, jiyda hamda turongʻil daraxtlari qoʻporilganligi, shu bilan birga 3 tup daraxt shikaslanganlik holati aniqlandgan.
Foto: Xorazm viloyati ekologiya qo'mitasi matbuot xizmati
Xabarga koʻra, hozirda holat yuzasidan qonuniy chora koʻrish maqsadida hujjatlar rasmiylashtirilmoqda.
Avvalroq, Surxondaryoda 51 tup daraxt noqonuniy kesib tashlangani aniqlangani haqida xabar berilgan edi.
Ko`proq xabarlar Telegram kanalimizda
Obuna bo`ling
