Foto: Shovot tuman hokimligi matbuot xizmati
Xorazm viloyati, Shovot tumani hokimi Odilbek Artiqov intizomiy jazoga tortildi. Viloyat hokimi Farhod Ermanov farmoyishiga koʻra, unga Mehnat kodeksining 181-moddasiga (intizomiy jazolar) asosan hayfsan intizomiy jazosi qoʻllangan.
Jazo sababi sifatida “Ish faoliyati davomida oʻziga yuklatilgan vazifalarni lozim darajada bajarmasdan, xizmat intizomini buzgani” koʻrsatilgan.
Farmoyishga Xorazm viloyati prokuraturasining 2022-yil 16-noyabrdagi intizomiy javobgarlik toʻgʻrisida ish qoʻzgʻatish haqidagi qarori va Odilbek Artiqovning tushuntirish xati asos qilib olingan.
Odilbek Artiqov 2022-yil mart oyidan buyon Shovot tumani hokimi sifatida ishlab kelmoqda.
Avvalroq, Xiva shahar hokimi mas'uliyatsizligi sabab jarimaga tortilgani xabar qilingandi.
Ko`proq xabarlar Telegram kanalimizda
Obuna bo`ling