Foto: Newsweek
Ilon Mask Twitter'ni rasman sotib olgach, sobiq Amerika prezidenti Donald Trampning sahifasini qayta tiklashi haqida aytgan edi.
Ilon Mask bir necha oylik urinishlardan keyin Twitter'ni rasman sotib olgach, turli qatlam vakillari uni tabriklash uchun ijtimoiy tarmoqqa kirishdi. Jumladan, Donald Trampning Twitter’dagi “tasdiqlangan” profili Tesla bosh direktori Ilon Maskga akkauntini tiklagani uchun minnatdorchilik bildirib, tvit yozdi.
"Rahmat, Ilon Mask! Qaytganim juda yaxshi. Umid qilamanki, barcha nafratlanganlar va yutqazganlar meni sog'inishgan", deb yozadi Twitter tomonidan tasdiqlangan sahifa.
Ko'pchilik tarmoq foydalanuvchilari Twitter Donald Trampning akkauntini Mask boshqaruvni egallab olganidan keyin tiklaganiga ishongan bo‘lsa, boshqalar bu akkaunt Amerikaning sobiq prezidentiga tegishli emasligini ta’kidlagan.
Ushbu tvitni tasdiqlangan Twitter akkaunti ulashgan va u o'z foydalanuvchi nomini Donald J. Trampga o'zgartirgan. Ushbu akkauntning tarjimai holida shunday deyilgan: "Biz biroz trolling qilamiz".
Bu Donald Trampning Twitter akkaunti hali ham blokdaligini anglatadi. Quyida uning haqiqiy sahifasi skrinshoti keltirilgan.
Ko`proq xabarlar Telegram kanalimizda
Obuna bo`ling
